"Барселона" ярим ҳимоячиси Френки де Йонг Каталония клубини тарк этиб, Англияга ўтишни истамаяпти. Cadena Cer хабарига кўра, футболчига "Манчестер Юнайтед" фаол қизиқиш билдирмоқда.
Манбага кўра, каталонияликлар трансферларга пул йиғиш учун нидерландияликни сотишга мажбур. Футболчининг нархи 80 миллион еврони ташкил қилади. Аввалроқ инглиз клуби "Барселона" футболчининг нархини пасайтиришига умид қилаётгани ҳақида хабар берилганди. Футболчининг ўзи бу трансферга розилик бермаган.
Де Йонг ўтган мавсумда "Барселона" сафида 46 та ўйинда майдонга тушиб, 4 та гол урди ва 5 та голга ассистентлик қилди. Унинг каталонияликлар билан амалдаги шартномаси 2026 йилнинг 30 июнига қадар тузилган.
