"Barselona" yarim himoyachisi Frenki de Yong Kataloniya klubini tark etib, Angliyaga o‘tishni istamayapti. Cadena Cer xabariga ko‘ra, futbolchiga "Manchester Yunayted" faol qiziqish bildirmoqda.

Manbaga ko‘ra, kataloniyaliklar transferlarga pul yig‘ish uchun niderlandiyalikni sotishga majbur. Futbolchining narxi 80 million yevroni tashkil qiladi. Avvalroq ingliz klubi "Barselona" futbolchining narxini pasaytirishiga umid qilayotgani haqida xabar berilgandi. Futbolchining o‘zi bu transferga rozilik bermagan.

De Yong o‘tgan mavsumda "Barselona" safida 46 ta o‘yinda maydonga tushib, 4 ta gol urdi va 5 ta golga assistentlik qildi. Uning kataloniyaliklar bilan amaldagi shartnomasi 2026 yilning 30 iyuniga qadar tuzilgan.