Франциялик ҳимоячи Клеман Лангле ёзда "Барселона"ни тарк этиши кутилмоқда. Бу ҳақда Sport.es портали хабар берди.
Қайд этилишича, каталонияликлар имкон қадар тезроқ Лангленинг кетишини тезлаштирмоқчи. Футболчи Хави билан янги лойиҳани бошлашни истайди, аммо мураббий унга ишонмайди.
Аввалроқ 27 ёшли марказий ҳимоячининг "Тоттенхэм"га ижара асосида ўтиши мумкинлиги хабар қилинганди. Унинг "Барселона" билан шартномаси 2026 йилда якунланади.