"Лидс" ҳужумчиси Рафинья Диас ёзда "Барселона"га ўтмоқчи, деб хабар беради Sport.es.
25 ёшли вингер шу ҳафта агенти Деко билан учрашди. Иккаласи ҳам Каталония клубидан таклиф бўлишини кутишмоқда.
"Лидс"га таклиф билан чиққан "Арсенал" ҳам Рафиньяга даъвогарлик қилмоқда. Бироқ футболчининг ўзи ҳали Лондон клубига ўтишга рози бўлмаган ва "Барса" билан вазият ҳал бўлгунча музокараларни секинлаштирмоқда.
2021/22 йилги мавсумда Рафинья “Лидс” сафида 36 та ўйинда майдонга тушиб, 11 та гол урди ва 3 та голга ассистентлик қилди. Унинг клуб билан шартномаси 2024 йилнинг 30 июнига қадар мўлжалланган.
Transfermarkt.com портали ҳужумчининг нархини 45 миллион еврога баҳоламоқда.
