"Lids" hujumchisi Rafinya Dias yozda "Barselona"ga o‘tmoqchi, deb xabar beradi Sport.es.
25 yoshli vinger shu hafta agenti Deko bilan uchrashdi. Ikkalasi ham Kataloniya klubidan taklif bo‘lishini kutishmoqda.
"Lids"ga taklif bilan chiqqan "Arsenal" ham Rafinyaga da’vogarlik qilmoqda. Biroq futbolchining o‘zi hali London klubiga o‘tishga rozi bo‘lmagan va "Barsa" bilan vaziyat hal bo‘lguncha muzokaralarni sekinlashtirmoqda.
2021/22 yilgi mavsumda Rafinya “Lids” safida 36 ta o‘yinda maydonga tushib, 11 ta gol urdi va 3 ta golga assistentlik qildi. Uning klub bilan shartnomasi 2024 yilning 30 iyuniga qadar mo‘ljallangan.
Transfermarkt.com portali hujumchining narxini 45 million yevroga baholamoqda.
