“Ницца” бош мураббийи Кристоф Галтье Париж клуби Маурисио Почеттино учун товон пули миқдори бўйича келишувга эришмагунча “ПСЖ”ни бошқара олмайди.
L'Equipe нашри хабарига кўра, Почеттино ва "ПСЖ" ўртасидаги музокаралар ҳали ҳам давом этмоқда ва сўнгги бир неча соат ичида ҳеч қандай муваффақиятга эришилмаган.
Олдинроқ парижликлар клуби бош мураббийи товон пули тўланиши сабабли жамоа раҳбарияти билан можарога учрагани хабар қилинганди.
Почеттино парижликлар клубидан четлатилганидан кейин Галтье "ПСЖ"ни бошқаради. 2021 йилда мутахассис “Лилль” билан Франция чемпионлигини қўлга киритди.
