Англия терма жамоаси бош мураббийи Рой Хожсон Бельгия билан бўлиб ўтган ўртоқлик учрашувидан (1:0) сўнг ҳимоячилар Гари Кейхилл ва Жон Терриларнинг соғлиги ҳақида фикр билдирди.
"Агар Кейхилл иягини синдириб олган бўлса - Польшага сафар олдидан биз яна бир муҳим ўйинчимиздан айриламиз. Агар унинг ияги синмаган бўлса, у жамоада қолиши мумкин ва мен унга ўйнашни маън қилмайман.
Мен Терри тўғрисида ҳам хавотир оляпман. Жоннинг тизза ости мушакларида муаммолар бор. Бу чарчоқ аломатидир, аммо аниқ ташҳис якшанба куни қўйилади", - дея Хожсоннинг сўзларини келтиради AFP.
Эслатиб ўтамиз, олдинроқ Англия термасини турли жароҳатлар билан Фрэнк Лэмпард, Гарет Бэрри ва дарвозабон Жон Раддилар тарк этишганди.
