"Бавария" ҳужумчиси Роберт Левандовскининг собиқ агенти Цезари Кухарски польшалик ҳужумчининг "Барселона"га ўтиш истаги ҳақида гапирди.

Кухарскининг айтишича, Левандовски анчадан бери Испанияда ўйнашни орзу қилган, буни Мюнхен клуби раҳбарияти билади.

Шунингдек, агентнинг сўзларига кўра, польяк ўзини “Реал” ҳужумчиси Карим Бенземадан яхшироқ эканини исботламоқчи.

«У «Бавария»га ўзини қўйиб юбориши учун босим ўтказиши керак эди. Немис клуби раҳбарияти Левандовски Испанияда ўйнашни истаётганини билар эди. У Германияда, кейин Испанияда ўйнашни режалаштирган ва у фаолиятини MLSда якунламоқчи эди", - дейди Кухарски.