"Сампдория" ҳужумчи Фабио Квальярелла билан шартномани узайтиради. Томонлар 1 йилга янги шартнома имзолайди, деб хабар беради Calciomercato.
39 ёшли италиялик 2016 йилдан буён “Сампдория” сафида тўп тепади. Ҳужумчи ўтган мавсумда барча турнирларда 35 та ўйинда майдонга тушиб, 6 та гол ва 3 та голли узатмага муаллифлик қилган.
Квальярелла фаолияти давомида “Торино”, “Фиорентина”, “Асколи”, “Удинезе”, “Ювентус” ва “Наполи” клубларида ҳам ҳаракат қилган.
"Ювентус" билан у 3 марта А Серияда ғолиб чиқди ва икки марта Италия Суперкубогини қўлга киритган.
