"Sampdoriya" hujumchi Fabio Kvalyarella bilan shartnomani uzaytiradi. Tomonlar 1 yilga yangi shartnoma imzolaydi, deb xabar beradi Calciomercato.
39 yoshli italiyalik 2016 yildan buyon “Sampdoriya” safida to‘p tepadi. Hujumchi o‘tgan mavsumda barcha turnirlarda 35 ta o‘yinda maydonga tushib, 6 ta gol va 3 ta golli uzatmaga mualliflik qilgan.
Kvalyarella faoliyati davomida “Torino”, “Fiorentina”, “Askoli”, “Udineze”, “Yuventus” va “Napoli” klublarida ham harakat qilgan.
"Yuventus" bilan u 3 marta A Seriyada g‘olib chiqdi va ikki marta Italiya Superkubogini qo‘lga kiritgan.
