"Рома" "Барселона"га қарши Жоан Гампер ўйинида майдонга тушмаслигини эълон қилди, деб хабар беради Маrcа.

Манбага кўра, Италия клуби шартномани бир томонлама бекор қилган ва 2022/2023 йилги мавсумга тайёргарлик самарадорлигини ошириш мақсадида ёзги ўртоқлик ўйинлари тақвимини ўзгартириш зарурати туфайли шундай қарорга келганини билдирган.

"Рома" ва "Барселона" ўртасидаги ўйин 6 август куни Барселонадаги "Камп Ноу" стадионида бўлиб ўтиши керак эди. Эндиликда Каталония клуби янги рақиб қидирмоқда ва товон пули учун судга мурожаат қилиш имкониятини кўриб чиқмоқда.