“Лилль” ҳимоячиси Свен Ботман Франция клубини тарк этди. У ижтимоий тармоқларда жамоа мухлисларига мурожаат қилди.
"Лилл"да ўтказган вақтим учун клубдан миннатдорман. Бу ақл бовар қилмайдиган тажриба эди. Биз иккита муҳим совринни қўлга киритдик. Мен бу вақтни доимо илиқлик билан эслайман", деб ёзган Ботман.
22 ёшли футболчи фаолиятини “Ньюкасл”да давом эттиради. Трансфер шу ҳафта расман эълон қилиниши керак.
2021/22 йилги мавсумда Ботман “Лилль” сафида 32 та ўйинда майдонга тушиб, 3 та гол урди ва 1 та голли узатмани амалга оширди.
