“Торонто” ҳужумчиси Лоренцо Инсинье Канада клубига ўтиш ҳақидаги таассуротлари билан ўртоқлашди.

“Мен 31 ёшдаман, лекин қари эмасман ва Европада қолишим мумкин эди. Бироқ, мен ҳаёт фойдасига танлов қилдим. Неаполдаги ўн йил, муваффақиятлар ва афсусларимдан сўнг, мен янги вазифани олдим. Мен МЛСда ғалаба қозонган биринчи италиялик бўлишни хоҳлайман.

Неапол узоқда, лекин бу ерда мен кўплаб италияликлар орасида ўзимни уйдагидек ҳис қиляпман. Мен севилганимни ҳис қиламан. Мен “Наполи” ва Италия терма жамоасида 10 йил ўйнадим, шунинг учун ҳам маълум бир босимга кўникдим. Мен бу ерда ўз қадр-қимматимни исботламоқчиман ва “Торонто” билан ғалаба қозонишни истайман”, — дея Инсинье сўзларини келтиради клуб расмий сайти.

31 ёшли италиялик "Торонто"га эркин агент сифатида келиб қўшилди. Форвард 2010 йилнинг январидан бери "Наполи"да ўйнаб келаётган эди. Инсинье ўтган мавсумда 37 ўйин ўтказиб, 13 гол ва 10 голга ассистентлик қилган.