"Реал"нинг собиқ сардори Икер Касильяс клубнинг трансфер бозоридаги харидлари ҳақида гапирди.
“Ўйлайманки, Тчуамени ва Рюдигер яхши харидлар бўлади. Менимча, Рюдигер жамоанинг муҳим бўғинига айланади, чунки у ҳимояда ишончлиликни таъминлайди, шунда жамоа диққатини бошқа нарсага қаратиши мумкин", - дея Касильяснинг сўзларини келтиради Marca.
Эслатиб ўтамиз, Рюдигер ёзги трансфер ойнасида "Реал"га келган биринчи футболчи бўлди. Футболчи “қаймоқранглилар” клублари билан тўрт мавсумлик шартнома имзолади. Хабар қилинишича, ҳимоячининг клуб билан шартномасида товон пули 400 миллион евро бўлган.
Рюдигер ўтган мавсумда “Челси” сафида 54та ўйинда майдонга тушиб, 5та гол урган ва 4та голга ассистентлик қилган.
