"ПСЖ" Маурисио Почеттино ва унинг ёрдамчиларига шартнома муддатидан олдин бекор қилингани учун товон пули тўлаши керак, деб хабар беради Le10Sport L'Equipe нашрига таяниб.
Манбага кўра, француз клуби Почеттино ва унинг мураббийлар штабига жами 15 миллион евро тўлаши керак. Қайд этилишича, Почеттино товон пули миқдорини камайтириш масаласини муҳокама қилишга рози бўлмаган.
Почеттинонинг кетиши яқин кунларда расман эълон қилиниши керак.
Маълум бўлишича, Почеттинонинг "ПСЖ" бош мураббийи сифатидаги ўрнини "Ницца" собиқ устози Кристоф Галтье эгаллайди.
Мутахассис 4 июль куни бўлиб ўтадиган таътилдан кейинги биринчи машғулотда жамоани бошқаришни бошлаши мумкин.
