Мадриднинг "Реал" клуби ҳужумчиси Мариано Диас Туркиянинг “Фенербахче” клуби нишонига тушди. Бу ҳақда АS хабар бермоқда.
Манбага кўра, турк клуби аллақачон испан клуби ҳужумчисига иккинчи трансфер таклифини билдирган. Хабар қилинишича, "Фенербахче"нинг биринчи таклифида Мариано Диас турк клубида икки мавсум давомида ҳар бирида 4 миллион евро ишлаб олиши айтилган.
Қайд этилишича, “Фенербахче”нинг иккинчи таклифи форвард учун мавсум учун 5 миллион еврога тенг бўлган тўловга етади. Хабарда айтилишича, энди Мариано Диаснинг ўзи турк клубига ўтиш масаласини ҳал қилиши керак. Ҳужумчининг мадридликлар билан шартномаси 2023 йилнинг ёзига қадар мўлжалланган.
Мариано Диас ўтган мавсумда "Реал Мадрид" сафида барча турнирлар доирасида 11 та ўйинда майдонга тушиб, битта гол ва битта голли узатмани амалга оширган.
