"Реал" билан шартномаси якунланганидан кейин эркин агент мақомини олган испаниялик ярим ҳимоячи Иско фаолиятини Ла Лиганинг бошқа клубида давом эттиради. Бу ҳақда инсайдер Экрем Конур ижтимоий тармоқлар орқали хабар берди.
Журналистнинг таъкидлашича, "Севилья" 30 ёшли футболчи билан шартнома имзолашга тайёр. Андалусияликлар футболчига икки йиллик шартномасини бир мавсумга узайтириш имкониятини таклиф қилишди.
Иско 2013 йилдан бери "Реал"да ўйнаб келмоқда. 2021/2022 йилги мавсумда ярим ҳимоячи Испания чемпионатида ўтказилган 14 учрашувда битта гол урган.
