"Тоттенхэм" "Эвертон"нинг бразилиялик ҳужумчиси Ришарлисон билан имзолашга яқин турибди. Бу ҳақда Daily Mail хабар бермоқда.
Қайд этилишича, томонлар ўртасидаги музокаралар футболчи учун курашга “Челси” қўшилганига қарамай, ижобий кечмоқда. Яқин орада клублар 70 миллион еврога тушадиган трансферни эълон қилишлари мумкин. "Эвертон" трансферни 30 июнгача амалга оширишни режалаштирмоқда.
Ўтган мавсумда Премьер-лигада ҳужумчи "ирислар" сафида 30 та ўйин ўтказиб, 10 та гол ва 5 та голли узатмани амалга оширган.
