Ҳужумчи Томас Мюллер “Бавария”нинг 2021/22 йилги мавсумдаги энг яхши футболчиси деб топилди. Бу ҳақда клуб матбуот хизмати хабар берди.

Бундай қарор Мюнхен жамоаси мухлислари томонидан овоз бериш жараёнида қабул қилинди. Иккинчи ўринни ярим ҳимоячи Жамал Мусиала (19 фоиз), учинчи ўринни эса сўнгги икки йил ичида энг яхшисига айланган ҳужумчи Роберт Левандовски (18 фоиз) эгаллади.

Томас Мюллер овоз бериш жараёнида 26 фоиздан сал камроқ овозни қўлга киритди.

32 ёшли Томас ўтган мавсумда 45 та ўйинда майдонга тушиб, 13 та гол урди ва 25 та голли узатмани амалга оширди.