"Лилль" ҳимоячиси Свен Ботман "Ньюкасл"га ўтди, деб хабар беради инглиз клуби матбуот хизмати.
22 ёшли нидерландиялик футболчи билан 2027 йилгача мўлжалланган шартнома имзоланган.
"Ньюкасл" футболчининг трансфери учун "Лилль"га 35 миллион фунт тўлаши хабар қилинганди.
Шунингдек, ҳимоячига яна бир асосий даъвогарлардан бири "Милан" эди.
2021/22-йилги мавсумда Ботман “Лилль” сафида 32 та ўйинда майдонга тушиб, 3 та гол урди ва 1 та голли узатмани амалга оширди. Transfermarkt.com сайтида ҳимоячи 27 миллион фунтга баҳоланган.
