Мёнхенгладбахнинг "Боруссия" клуби ҳужумчиси Маркус Тюрам тез орада клубини ўзгартириши мумкин. Журналист Руди Галеттининг хабар беришича, 24 ёшли ҳужумчи "Ницца"га ўтишга яқин турибди.
Ушбу ёзда футболчи агентини ўзгартирган, шундан сўнг у клубини ўзгартириш истагини билдирган.
24 ёшли Тюрамнинг "Боруссия" билан шартномаси 2023 йилнинг ёзига қадар мўлжалланган. Transfermarkt портали футболчининг нархини 20 миллион еврога баҳоламоқда.
Ўтган мавсумда у Бундеслиганинг 21 ўйинида 3 та гол урди ва 1 та голли узатмани амалга оширди.
Маълумот ўрнида, Маркуснинг укаси Кефрен Тюрам "Ницца"да ўйнайди. Улар Франция терма жамоасининг машҳур собиқ ҳимоячиси, жаҳон ва Европа чемпиони Лиллиан Тюрамнинг ўғилларидир.
