"Аякс" бош мураббийи Альфред Шрёдер ҳужумчи Стивен Бергвейннинг трансфери борасидаги музокараларнинг бориши ҳақида гапирди.
“Ҳали ҳеч нарса ҳал қилинмаган. Сиз бироз кутишингиз керак ", - деди Шрёдер.
Олдинроқ "Аякс" 24 ёшли нидерландиялик учун 22,5 миллион евро таклиф қилишга тайёрлиги ҳақида хабар берилганди. Бонусларни қўшиб ҳисоблаганда, сумма 25 миллион еврогача кўтарилиши мумкин.
2021/22 йилги мавсумда Бергвейн "Тоттенхэм" сафида 32 та ўйинда майдонга тушиб, 4 та гол урди ва 2 та голли узатмани амалга оширди. Transfermarkt.com портали футболчининг нархини 18 миллион еврога баҳоламоқда.
