"Наполи" ҳимоячиси Калиду Кулибали фаолиятини Англияда давом эттириши мумкин.
Журналист Жанлука Ди Марцио ўз сайтида хабар беришича, "Челси" Лондонда 30 ёшли сенегаллик билан илк музокараларини ўтказган.
Олдинроқ Сенегал терма жамоаси футболчисининг ўзи неаполликлар сафида қолишга тайёрлиги ҳақида хабар берилганди. Бунинг учун у ҳатто маошини камайтиришга ҳам тайёр.
Кулибалининг амалдаги шартномаси 2023 йилнинг июнигача мўлжалланган.
2021/22 йилги мавсумда ҳимоячи барча турнирларда 34 та ўйинда майдонга тушиб, 3 та гол урди ва 3 та голли узатмани амалга оширди.
