28 июль куни "Рома" ҳеч қандай изоҳ бермасдан, "Барселона" билан Жоан Гампер кубоги учун ўйинда иштирок этишдан бош тортди.

Correira Dello Sport хабарига кўра, "ПСЖ" президенти ва Европа клублари ассоциацияси (ECA) раҳбари Носир Ал-Хелайфи Рим клубига босим ўтказган.

"Рома" эгаси Дэн Фридкин, ECA директорлар кенгаши ва Ижроия қўмитаси аъзоси ҳисобланади. Фридкинни Гампер кубогидан воз кечишга кўндирган ассоциация раҳбари эди.

Ал-Хелайфи "Рома"нинг "Барселона"га қарши ўйинда иштирок этишига қарши чиқди, чунки каталонияликлар Суперлига асосчиларидан бири ва ҳали ҳам турнирни ўтказмоқчи.

УЕФА ва ECA эса Суперлига ташкил қилинишига қаршилик кўрсатмоқда.