"Торонто" матбуот хизмати расмий сайтида "Женоа" ҳимоячиси Доменико Кришитонинг трансферини эълон қилди.

Футболчи Канада клуби сафига текинга бориб қўшилган. Томонлар 2023 йилгача мўлжалланган шартнома имзолашди.

35 ёшли Кришито “Женоа”да 2003-2004, 2006-2007, 2008-2011 ва 2018 йилдан бери ҳаракат қилиб келаётган эди. Умуман олганда, у клуб учун барча мусобақаларда 274 та ўйин ўтказиб, 30 та гол урган ва 13 та голли узатмани амалга оширган.

Шунингдек, Кришито “Ювентус” ва “Зенит” клубларида ҳам фаолият олиб борган.