Хорватия терма жамоаси ярим ҳимоячиси Лука Модрич 2023 йилнинг ёзида клуб билан шартномасини узайтиришга тайёр, деб хабар беради AS. 8 июнь куни хорватиялик мадридликлар билан 2023 йилнинг ёзига қадар шартнома имзолаганди.
Манбанинг хабарига кўра, футболчи профессионал фаолиятини якунлаш ниятида эмас. Келаси ёзда хорватиялик футболчи шартномани яна бир мавсумга узайтириш вариантини кўриб чиқади. Шу тариқа у Мадрид клубида яна икки тўлиқ мавсум ўйнаши мумкин.
Ярим ҳимоячи ўтган мавсумда "Реал" сафида 45 ўйинда 3 та гол урди ва 12 та голли узатмани амалга оширди. Хорват Мадрид клубига 2012 йилнинг 27 августида 35 миллион евро эвазига "Тоттенхэм"дан ўтган эди.