Xorvatiya terma jamoasi yarim himoyachisi Luka Modrich 2023 yilning yozida klub bilan shartnomasini uzaytirishga tayyor, deb xabar beradi AS. 8 iyun kuni xorvatiyalik madridliklar bilan 2023 yilning yoziga qadar shartnoma imzolagandi.
Manbaning xabariga ko‘ra, futbolchi professional faoliyatini yakunlash niyatida emas. Kelasi yozda xorvatiyalik futbolchi shartnomani yana bir mavsumga uzaytirish variantini ko‘rib chiqadi. Shu tariqa u Madrid klubida yana ikki to‘liq mavsum o‘ynashi mumkin.
Yarim himoyachi o‘tgan mavsumda "Real" safida 45 o‘yinda 3 ta gol urdi va 12 ta golli uzatmani amalga oshirdi. Xorvat Madrid klubiga 2012 yilning 27 avgustida 35 million yevro evaziga "Tottenxem"dan o‘tgan edi.