Англия чемпионати дунёнинг энг қизиқарли лигаси ҳисобланади. Шу сабабдан бу чемпионатда йирик трансферлар амалга оширилиши табиий ҳолат. Келинг, лига тарихидаги ўзига хос трансферларни кўриб чиқамиз.
“Манчестер Сити”: Жек Грилиш
/cdn.vox-cdn.com/uploads/chorus_image/image/70434372/1237258831.0.jpg)
Грилиш 2021/2022 йилги мавсум олдидан "шаҳарликлар" сафига қўшилди: "Астон Вилла" трансфердан 117,5 миллион евро ишлаб олди. Бу трансфер Премьер-лига тарихидаги энг қиммат трансфер саналади.
"Ливерпуль": Виржил ван Дейк
Ван Дейк 2017/2018 йилги мавсум бошланишидан олдин "Саутгемптон"дан "Ливерпул"га
ўтган эди. Трансфер суммаси 84 миллион евро ва бу ўзини тўлиқ оқлади.
"Челси": Ромелу Лукаку
Айнан "Интер"дан Лукакуни сотиб олишга "Челси" энг кўп пул сарфлаган. 2021/2022 йилги мавсум олдидан лондонликлар бельгиялик ҳужумчи учун 113 миллион евро ажратишди ва бир мавсумдан сўнг Лукаку Миланга ижарага берилди. Кўриниб турибдики, бу харид ўзини ҳеч қанақасига оқлагани йўқ.
"Арсенал": Николас Пепе
"Арсенал"нинг энг йирик трансфери "Лилл"дан Пепе учун 80 млн евро бўлган. Ҳужумчи 2019/2020 мавсум олдидан жамоага келиб қўшилганди.
"Манчестер Юнайтед": Поль Погба
"Манчестер Юнайтед" 2016/2017 йилги мавсум олдидан Погбани "Ювентус"дан қайтариш учун 105 миллион евро сарфлади. Шартнома муддати тугагач, Поль клубни тарк этиб, “Ювентус”га қайтди.
"Тоттенхэм": Тангуй Н'Домбеле
2019/2020 йилги мавсум олдидан "Лион"дан Тангуй Н'Домбеле "Тоттенхэм"га ўтди. Трансфер суммаси 60 миллион еврони ташкил қилди.
"Вест Хэм": Себастен Аллер
"Вест Хэм" 2019/2020 йилги мавсум олдидан Аллер учун 50 миллион евро тўлаган. Футболчи "Айнтрахт"дан Англияга кўчиб ўтди, икки мавсумни жамоада ўтказди ва "Аякс"га сотиб юборилди.
“Эвертон”: Гилфи Сигурдссон
49,40 миллион евро эвазига Сигурдссон 2017/2018 йилги мавсум олдидан "Суонси"дан "Эвертон"га ўтган эди. Ҳозир футболчи тергов остида ва суд жараёнини кутмоқда: у клубнинг 2021/2022 йилги мавсум учун қайдномасига киритилмаганди ҳам.
“Ньюкасл”: Жоэлинтон
Жоэлинтон "Хоффенхайм"дан Премьер-лигага ўтди, "Ньюкасл" 2019/2020 йилги мавсум олдидан футболчи учун 44 миллион евро тўлаган. Бу сумма ўша вақтдаги “Ньюкасл” учун катта пул ҳисобланарди.
“Лестер”: Юри Тилеманс
Тилеманс 2019/2020 йилги мавсум олдидан “Монако”дан “Лестер”га 45 миллион евро эвазига кўчиб ўтди ва бу мавсумдан кейин топ клублар назарига тушди. Юрига хатто “Реал”дан ҳам қизиқиш бўлгани ҳаиқда хабарлар тарқалди.
