Angliya chempionati dunyoning eng qiziqarli ligasi hisoblanadi. Shu sababdan bu chempionatda yirik transferlar amalga oshirilishi tabiiy holat. Keling, liga tarixidagi o‘ziga xos transferlarni ko‘rib chiqamiz.

“Manchester Siti”: Jek Grilish

Grilish 2021/2022 yilgi mavsum oldidan "shaharliklar" safiga qo‘shildi: "Aston Villa" transferdan 117,5 million yevro ishlab oldi. Bu transfer Premyer-liga tarixidagi eng qimmat transfer sanaladi.

"Liverpul": Virjil van Deyk

Van Deyk 2017/2018 yilgi mavsum boshlanishidan oldin "Sautgempton"dan "Liverpul"ga
o‘tgan edi. Transfer summasi 84 million yevro va bu o‘zini to‘liq oqladi.

"Chelsi": Romelu Lukaku

Aynan "Inter"dan Lukakuni sotib olishga "Chelsi" eng ko‘p pul sarflagan. 2021/2022 yilgi mavsum oldidan londonliklar belgiyalik hujumchi uchun 113 million yevro ajratishdi va bir mavsumdan so‘ng Lukaku Milanga ijaraga berildi. Ko‘rinib turibdiki, bu xarid o‘zini hech qanaqasiga oqlagani yo‘q.

"Arsenal": Nikolas Pepe

"Arsenal"ning eng yirik transferi "Lill"dan Pepe uchun 80 mln yevro bo‘lgan. Hujumchi 2019/2020 mavsum oldidan jamoaga kelib qo‘shilgandi.

"Manchester Yunayted": Pol Pogba

"Manchester Yunayted" 2016/2017 yilgi mavsum oldidan Pogbani "Yuventus"dan qaytarish uchun 105 million yevro sarfladi. Shartnoma muddati tugagach, Pol klubni tark etib, “Yuventus”ga qaytdi.

"Tottenxem": Tanguy N'Dombele

2019/2020 yilgi mavsum oldidan "Lion"dan Tanguy N'Dombele "Tottenxem"ga o‘tdi. Transfer summasi 60 million yevroni tashkil qildi.

"Vest Xem": Sebasten Aller

"Vest Xem" 2019/2020 yilgi mavsum oldidan Aller uchun 50 million yevro to‘lagan. Futbolchi "Ayntraxt"dan Angliyaga ko‘chib o‘tdi, ikki mavsumni jamoada o‘tkazdi va "Ayaks"ga sotib yuborildi.

“Everton”: Gilfi Sigurdsson

49,40 million yevro evaziga Sigurdsson 2017/2018 yilgi mavsum oldidan "Suonsi"dan "Everton"ga o‘tgan edi. Hozir futbolchi tergov ostida va sud jarayonini kutmoqda: u klubning 2021/2022 yilgi mavsum uchun qaydnomasiga kiritilmagandi ham.

“Nyukasl”: Joelinton

Joelinton "Xoffenxaym"dan Premyer-ligaga o‘tdi, "Nyukasl" 2019/2020 yilgi mavsum oldidan futbolchi uchun 44 million yevro to‘lagan. Bu summa o‘sha vaqtdagi “Nyukasl” uchun katta pul hisoblanardi.

“Lester”: Yuri Tilemans

Tilemans 2019/2020 yilgi mavsum oldidan “Monako”dan “Lester”ga 45 million yevro evaziga ko‘chib o‘tdi va bu mavsumdan keyin top klublar nazariga tushdi. Yuriga xatto “Real”dan ham qiziqish bo‘lgani haiqda xabarlar tarqaldi.