"Лилль" ярим ҳимоячиси Ренату Саншеш "ПСЖ" билан музокара ўтказиш учун Парижга етиб келди, деб хабар беради Foot Mercato.
Манбага кўра, 24 ёшли Саншеш клуб билан шахсий шартнома шартларини келишиб олган. Португалиялик ярим ҳимоячи шартнома бўйича музокараларни якунлаш учун «ПСЖ» раҳбарияти билан шахсан учрашишни режалаштирмоқда.
Бироқ Париж клуби футболчининг трансфер нархи борасида “Лилль” билан ҳалигача келиша олмади.
Саншеш ўтган мавсумда “Лилль” сафида барча турнирларда 32 та ўйинда майдонга тушиб, 2 та гол урди ва 5 та голли узатмани амалга оширди. Ярим ҳимоячининг клуб билан шартномаси 2023 йилнинг 30 июнига қадар мўлжалланган.