"Насаф" бош мураббийи Рўзиқул Бердиев Суперлиганинг 13-тури доирасида бўлиб ўтган «Олимпик» клубига қарши ўйин (2:2) борасида ўз фикрлари билан ўртоқлашди.

«Оғир ўйин бўлди. Буни ўзимиз ҳам кутган эдик. «Олимпик» тўпни назорат қилишини, кескинроқ ҳаракат қилишини, ёш ўйинчилар кўпроқ югуришини футболчиларимиз билишарди. Биз нафақат ҳимояда, балки ҳужумда ҳам самаралироқ ўйнашимиз кераклигини шогирдларимга уқтиргандим. Аммо бундай бўлмади.

Таркибимиз узун эмаслиги туфайли ўйинларда ротацияларни амалга ошира олмаяпмиз. Шунинг учун сўнгги ўйинларда дуранг ўйнаяпмиз. Ҳар бир баҳсни қийин ўтказяпмиз. Бугун ҳужумчимиз Ҳусайн Норчаевнинг йўқлиги ҳам билинди.

Барча ўйинлар қийин бўляпти. Фарғонадаги ўйинда ҳам очко йўқотдик, аммо ўшанда аҳволимиз бундан ҳам оғир эди. Йигитларда ғалаба учун иштиёқ бор, аммо бунга куч етмаяпти", — деди Рўзиқул Бердиев.