Журналист Николо Скиранинг хабар беришича, "Лацио" ҳужумчи Ведат Мурикини сотиш устида ишламоқда.
Манбанинг хабарига кўра, футболчи пойтахт клуби бош мураббийи Маурицио Саррининг режаларига киритилмаган.
"Бургутлар" ўз ҳужумчиси учун 12 миллион евро талаб қилмоқда. Футболчига Англиянинг “Халл Сити” клуби қизиқиш билдирмоқда.
Мурики "Лацио"га 2020 йилда "Фенербахче"дан 19,92 миллион евро эвазига ўтган эди. Унинг шартномаси 2025 йилгача мўлжалланган.
Косово терма жамоасининг 28 ёшли вакили ўтган мавсумнинг иккинчи ярмини ижара асосида "Мальорка"да ўтказди ва 16 учрашувда рақиблар дарвозасига 4 та гол уриб, 3 та голли узатмани амалга оширди.
