"ПСЖ" "Сассуоло" ҳужумчиси Жанлука Скамаккини қўлга киритиш борасидаги уринишларидан воз кечмаяпти, дея хабар беради журналист Жанлука Ди Марцио сайти.
Манбанинг хабарига кўра, француз клуби таклифни бонуслар билан бирга 40 миллион еврогача оширган. Олдинги таклиф 35 миллион эди, аммо италияликлар буни рад этишди, чунки улар камида 50 миллион талаб қилишади.
23 ёшли Скамакка ўтган мавсумда "Сассуоло" сафида барча турнирларда 38 та ўйинда майдонга тушиб, 16 та гол урди ва 1 та голга ассистентлик қилди. Унинг клуб билан шартномаси 2026 йилнинг ёзига қадар мўлжалланган.
