90min хабарига кўра, Лондоннинг учта клуби "Торино" ҳимоячиси Глейсон Бремерга қизиқиш билдирмоқда.
Манбага кўра, гап "Арсенал", "Челси" ва "Тоттенхэм" ҳақида кетмоқда. Пойтахтнинг кучли клублари футболчини қўлга киритиш учун курашишга тайёр.
Бремерга инглиз клубларидан ташқари “Интер” ҳам фаол қизиқиш билдирмоқда.
Футболчи 2018 йилдан буён "Торино"да ўйнаб келмоқда. Унинг шартномаси 2024 йилгача мўлжалланган.
Ўтган мавсумда 25 ёшли бразилиялик А серияда 33 та ўйинда майдонга тушиб, 3 та гол урди ва битта голли узатмани амалга оширди.