Журналист Фабрицио Романонинг хабар беришича, "Челси" ёзги трансфер ойнасида "Манчестер Сити"нинг икки футболчисини сотиб олишни режалаштирмоқда.
Манба берган хабарга кўра, гап вингер Рахим Стерлинг ва ҳимоячи Натан Аке ҳақида кетмоқда. "Кўклар" ва "шаҳарликлар" ўртасидаги музокаралар яхши кетмоқда.
Ҳар икки футболчи ҳам ушбу трансферга рози. Стерлинг 2015 йилдан буён "Манчестер Сити"да ўйнаб келмоқда.
У жамоа либосида 337 та ўйинда 131 та гол урди ва 94 та голли узатмани амалга оширди. Унинг шартномаси 2023 йилгача мўлжалланган.