"Интер"га янги келган Андре Онана ўз ҳамюрти ва клубнинг собиқ ҳужумчиси Самуэль Это’О трансферни фаол қўллаб-қувватлаганини тан олди.

26 ёшли дарвозабон эркин агент сифатида Амстердамнинг “Аякс” клубидан кўчиб ўтди ва “нерадзурри” билан 5 йиллик шартнома имзолади.

"Мен Самуэль Это’О билан яхши муносабатдаман. У ҳар доим "Интер" ҳақида жуда ижобий гапирарди ва жамоа ўйинига тўлиқ мос тушишимни айтди. Таклифни олгач, ўтишга шубҳам қолмади. Бу содир бўлганидан жуда хурсандман", - дейди камерунлик дарвозабон.

Андре Онана “Аякс”да етти йил ўйнади. Амстердам жамоаси таркибида у 212 учрашув ўтказиб, 192 та гол ўтказиб юборган.