"Ювентус" вакиллари тахминан уч ҳафта олдин "Наполи" ҳимоячиси Калиду Кулибалининг агенти Фали Рамадани билан учрашишди. Бу ҳақда журналист Николо Скира хабар берди.
Унга кўра, Турин клуби Кулибалини ёзда жамоани тарк этса, Маттейс Де Лигтга идеал ўринбосар деб ҳисоблайди. "Наполи" 31 ёшли сенегаллик футболчи билан шартномани узайтирмаса, у билан хайрлашишга тайёр, аммо неаполликлар Калидани хориж клубига сотишни афзал кўришади.
Эслатиб ўтамиз, Де Лигтга "Челси" даъвогарлик қилмоқда. Шунингдек, лондонликларнинг Кулибалига қизиқиш билдиришлари ҳам хабар қилинган.
Кулибалининг "Наполи" билан шартномаси 2023 йилнинг ёзида якунига етади. 2021/22 йилги мавсумда у неаполликлар сафида барча мусобақаларда 34 та ўйинда майдонга тушиб, 3 та гол урди ва 3 та голли узатмани амалга оширди.
