“Манчестер Сити” клуби ҳужумчи Риёд Махрез билан янги шартнома борасида музокараларга киришди, деб хабар беради Daily Mail.

Махрезнинг шартномаси тугашига 12 ой бор ва томонлар янги музокараларни бошлашди.

Қайд этилишича, Махрезнинг устувор вазифаси клуб билан яна бир мавсумга узайтириш имконияти билан яна уч йиллик шартнома тузиш.

Риёд 2018 йилнинг июль ойида "Лестер"дан 60 миллион фунт стерлингга "шаҳарликлар" сафига кўчиб ўтган эди.

31 ёшли жазоирлик ўтган мавсумда 2021/22 йилги мавсумда "Ман Сити" учун барча мусобақаларда 24 та гол урди ва жамоасига Премьер-лига чемпионлигини ҳимоя қилишга ёрдам берди.