"Арсенал" "Бавария" вингери Серж Гнабрига қизиқиш билдирмоқда, деб хабар беради Daily Star.
Манбанинг хабарига кўра, германиялик футболчини сотиб олишга "канонирлар" бош мураббийи Микель Артета шахсан ўзи қизиқмоқда. Шунингдек, Гнабрига "Манчестер Юнайтед" ҳам даъвогарлик қилмоқда.
Қайд этилишича, “Бавария” раҳбарияти Гнабрининг сотилишига қарши эмас ва унинг трансфери учун тахминан 46 миллион евро олмоқчи.
Аввалроқ, Сержга "Манчестер Сити" ҳам қизиқиш билдираётгани ҳақида хабарлар тарқалган эди.
26 ёшли футболчининг "Бавария" билан амалдаги шартномаси 2023 йилнинг ёзига қадар мўлжалланган. Гнабри ўтган мавсумда Бундеслигада 34 та ўйинда майдонга тушиб, 14 та гол урди ва 5 та голга ассистентлик қилди.