"Манчестер Юнайтед"ни шу ёзда тарк этган франциялик ярим ҳимоячи Поль Погба ўзининг ижтимоий тармоғида трансферга шама қилди. Француз футболчиси бир неча сўз билан мухлисларни қизиқтирди.

“Бошқа кута олмайман” деб ёзган футболчи сўнгги постида.

Катта эҳтимол билан Погба ўзини яқин орада Туриннинг "Ювентус" клубига ўтишига шама қилмоқда. Аввалроқ матбуотда франциялик футболчи “кекса сеньора” билан келишиб қайтишгани ҳақида хабар берилганди.

Пол "Ювентус"да ўйнаш тажрибасига эга. У 2012 йилдан 2016 йилгача Италия жамоаси шарафини ҳимоя қилган, шундан сўнг олти йилни "Олд Траффорд"да ўтказган.