"Милан" клуби "Астон Вилла" ярим ҳимоячиси Дуглас Луисга қизиқмоқда, дея хабар беради Goal.
Манбага кўра, томонлар 24 ёшли бразилияликнинг трансфери бўйича музокараларни бошлаб юборишган. Битим суммаси 30 миллион еврога етиши мумкин. Футболчининг "Астон Вилла" билан шартномаси 2023 йилнинг июн ойи охиригача амал қилади, бу эса ярим ҳимоячининг сотилишига ҳисса қўшиши мумкин.
2021/22 йилги мавсумда Луис “Астон Вилла” сафида 35 та ўйинда майдонга тушиб, 2 та гол урди ва 3 та голли узатмани амалга оширди. Transfermarkt.com портали футболчининг нархини 38 миллион еврога баҳоламоқда.