Мадриднинг “Реал” клуби Ферлан Мендини сотишга ва франциялик футболчи борасидаги таклифларни тинглашга тайёр.

Relevo нашри хабарига кўра, Мадрид клубининг бу позицияси Антонио Рюдигернинг трансфери билан боғлиқ. Немис футболчиси келганидан кейин Давид Алаба марказий ҳимоячи позициясидан чап қанот ҳимоячиси позициясига ўтиши ва у ерда асосий таркиб футболчисига айланиши керак.

27 ёшли Ферланд Менди уч мавсумни "Реал"да ўтказди. Бу вақт ичида ҳимоячи барча мусобақаларда 105 та ўйин ўтказиб, 5 та гол урди ва 9 та голли узатмани амалга оширди.

Тransfermarkt портали Ферланд Мендини 40 миллион еврога баҳоламоқда.