Нидерландиялик ҳимоячи Тирелл Маласиа "Манчестер Юнайтед" билан шартнома имзолаганидан кейин илк интервьюсини берди. Футболчи клуб билан 4+1 кўринишида шартнома имзолаган.

- "Манчестер Юнайтед"га хуш келибсиз. Ўзингизни "Юнайтед" футболчиси деб аташ қандай туйғу?

- Мен бу туйғуни тасвирлай олмайман деб ўйлайман. Сўнгги бир неча ҳафта ичида жуда кўп нарса содир бўлди ва мен бу ерда эканлигимдан хурсандман.

Мен ҳамма нарсани тўғри қилдим деб ўйлайман. Премьер-лигада ўйнаш менинг орзум бўлган.

— Сиз буюк тарихга эга клубга ўтдингиз. "Юнайтед" ҳақида нималарни биласиз?

- Бу дунёдаги энг катта клуб ва буни мухлислар, ажойиб стадион, қўлга киритилган кўплаб совринлар исботлаб турибди. Янги мураббий яна ғолиб бўлишни хоҳлайди ва мен ўша жамоанинг бир қисми бўлишни хоҳлайман.

- "Юнайтед" шарафини ҳимоя қилаётган нидерландиялик футболчилар ажойиб меросга эга. Ван дер Сар, ван Перси, ван Нистелрой, Яп Стам... жуда кўп. Бу мерос сизни ушбу клубга қўшилишдан ҳаяжонланишингизга яна бир сабабми?

- Ҳа, албатта, чунки энди менда кимлар биландир тенглашишим керак, чунки улар бу ерда ажойиб иш қилишган ва мен ажойиб бўлган нидерландияликлар рўйхатининг бир қисми бўлишни хоҳлайман", - деди футболчи "Манчестер Юнайтед" матбуот хизматига.