ESPN хабарига кўра, "Арсенал", "Манчестер Сити", "Тоттенхэм" ва "ПСЖ" "Лион" ярим ҳимоячиси Лукас Пакетага қизиқиш билдирмоқда.
Манбанинг хабарига кўра, 24 ёшли бразилиялик француз клубидаги ўрнидан қониқиш ҳосил қилмоқда ва жамоадан кетмоқчи эмас.
Қайд этилишича, ярим ҳимоячи кейинги мавсумда ҳам "Лион"да ўйнашда давом этади.
Пакета ўтган мавсумда "Лион" сафида 43 та ўйинда 11 та гол урди ва 7 та голга ассистентлик қилди. Унинг клуб билан шартномаси 2025 йилнинг 30 июнига қадар мўлжалланган.