Мюнхеннинг “Бавария” клубининг франциялик ҳимоячиси Бенжамен Павар "Ювентус"га ўтиши мумкин. У Маттейс Де Лигт трансферига киритилиши кутилмоқда.

Манбага кўра, немис клуби француздан ташқари нидерландиялик футболчи учун маълум миқдорда пул тўлашга тайёр. Бироқ бу вариант “Юве”ни қониқтирмади, чунки италияликлар де Лигт учун 90-100 миллион евро олишни исташмоқда. Футболчига "Манчестер Сити", "Манчестер Юнайтед" ва "Челси" клублари қизиқиш билдирмоқда.

22 ёшли Де Лигт ўтган мавсумда "Ювентус" сафида барча турнирларда 42 та ўйинда майдонга тушиб, 3 та гол урди ва битта голли узатмани амалга оширди. 26 ёшли Павард 36 та баҳсба иккита голга ассистентлик қилган.