Германия терма жамоаси бош мураббийи Йоахим Лев  Евро-2012да ўз футболчиларига қаттиққўл тартиб қўлламайди. Шунингдек Лев футболчилар учун ижтимоий тармоқлардан фойдаланишга қўйилган таъқиқни олиб ташлади, аммо бунда футболчиларга рақиблар ҳақида ҳурматсиз фикрлар ёзишга рухсат берилмайди.

Футболчилар соат 23гача меҳмонхонадан ташқарига чиқишлари мумкин, узоғи билан қоқ ярим тунда барча футболчилар меҳмонхонада бўлишлари керак.

"Ўйиндан бир кун кейин футболчилар вақтларини оиласи, хотинлари ва дугоналари билан ўтказишлари мумкин. Фақат ҳозирча уларга тунда футболчилар билан бирга бўлишга рухсат берамизми, йўқми, бунга аниқлик киритганимиз йўқ.

Йоахим алкогольни таъқиқламади, футболчилар кечки пайт бир бокалдан пиво ичишлари мумкин. Бундан ташқари Лев турнир пайтида мини-барларни "тозаламасликка" қарор қилди, чунки у ўз ўйинчиларига ишонади", - дея терма жамоа менежери Оливер Бирхоффнинг сўзларини келтиради Bild.de.