"Бавария"нинг "Ювентус"нинг нидерландиялик ҳимоячиси Маттейс Де Лигт билан имзолаши мумкин бўлган шартноманинг баъзи тафсилотлари маълум бўлди.
Инсайдер Николо Скиранинг сўзларига кўра, мюнхенликлар ҳимоячига мавсум учун 12 миллион евро тўлашга тайёр. Аввалроқ томонлар шахсий шартнома шартларини келишиб олгани ҳақида хабар берилганди.
Де Лигтга "Челси" ҳам даъвогарлик қилмоқда. "Ювентус" футболчини сотишдан 90-100 миллион евро ишлаб олмоқчи.