Ҳужумчи Пауло Дибала "Интер" билан шартнома борасида келиша олмаяпти. Аммо футболчининг бошқа варианти бор - Испаниянинг "Атлетико"си, деб хабар беради La Republicca.
"Интер" таркибидаги кераксиз ўйинчилар билан хайрлаша олмагани сабабли Дибаланинг молиявий талабларини қондириш имкони бўлмаяпти.
Дибала бош мураббий Диего Симеоне томонидан "Атлетико"га чақирилган.
Пауло "Ювентус"да 2015 йилнинг июлидан бери тўп тепиб келаётган эди. Жамоа таркибида 5 марта Италия чемпиони бўлган, шунингдек, 3 марта мамлакат кубоги ва Суперкубогини қўлга киритган.
Шартнома якунлангач, 28 ёшли аргентиналик футболчи эркин агентга айланди.
