Бильбаонинг "Атлетик" клуби ҳужумчиси Фернандо Льорентенинг тан олишича, унинг терма жамоадаги ҳамкорлари — Хаби Алонсо ва Фернандо Торрес Англия Премьер-лигасида тўп суришни ўйлаб кўришни маслаҳат беришган.
Матбуотдаги миш-мишларга кўра, Европа Лигаси ва Испания Кубоги финалларида ютқазган 27 ёшли ҳужумчига "Тоттенҳэм", "Арсенал", "Манчестер Сити", шунингдек, "Барселона", "Бавария" ва "Ювентус" каби топ-клублар қизиқиш билдирмоқда.
Льорентенинг айтишича, "Ливерпул"нинг икки собиқ футболчиси айниқса мухлисларнинг жамоаларига бўлган муносабати туфайли инглиз футболини юқори баҳолашади.
"Балким куни келиб Англияда ўйнарман, шундай бўлиши мумкинку? Бироқ айни дамда "Атлетик" сафидаман, кейинчалик нима бўлишини эса ҳеч ким билмайди".
"Хаби Алонсо ва Фернандо Торрес у ерда мухлислар ўз футболчиларига қандай ҳурмат билан муносабатда бўлишлари ҳақида гапириб беришди", — дея Льоренте сўзларини келтиради Goal.com.