"Ливерпуль" ярим ҳимоячиси Алекс-Окслейд Чемберлен Муҳаммад Салоҳнинг клуб билан шартномасини узайтириш борасидаги фикрлари билан ўртоқлашди.
“Бу ҳақиқатан ҳам яхши янгилик. У бизни бироз кутишга мажбур қилди, шундай эмасми? Мен ундан хурсандман, унинг қандай йигит эканлигини биламан. У бу ерда жуда қулай ва у клубда қолганидан хурсанд.
Муҳаммаддек футболчи фаолиятини шу ерда давом эттиришга қарор қилгани клуб учун ажойиб янгилик.У кўп йиллар давомида бу жамоанинг қандай муҳим аъзоси бўлганини ҳаммамиз биламиз ва ўйлайманки, у бундан кейин ҳам шундай бўлиб қолишини ҳамма тушунади", - дейди Чемберлен "Ливерпуль" расмий сайтига берган интервьюсида.
